Tussefløytelåter 1 og 2; Egil Storbekken
Innhold: Fjelltrall - Stemning frå Steigjela - Godt humør - Fiskartrall - Ved Ø'vollen - Vetl-kutjønnlåten - Tusse-slåtten - No fæ' dokk skynne på! - Sumartrall - Kveldsvise - Ekkolåten - Spelmannsvalsen - Haust i fjellom - Optimisten (Trall) - Mai-leken - Stemning - Valsen til mor - På attgrodde stier - Kveldstone - Kveldsæteslåtten - Kvile - Kos på bygdom - Vårleken - Nøkken (Pols) - Vandringsvise - Dølguten - Rask på fotom - Melodi - Fjell-lengt - Avskjedstone. Pris kr.: 75,-
ENGLISH VERSION GERMAN VERSION
Tussefløyta: Blant dei eldste norske folkeinstrumenta våre høyrer bukkehornet, luren og seljefløyta. Luren og bukkehornet var opprinneleg ikkje instrument, men hjelpereiskapar i seterlivet. Med sin kraftige tone kunne ein både skremme rovdyr og samstundes lokke på buskapen. Etter kvart vart dei utvikla til brukbare instrument. Seljefløyta med sin vare naturtone var derimot brukt berre som instrument. Trefløyta kom seinare (ca. 200 år gamal), og for første gong kom eit blåseinstrument med ei fast tonerekkje (skala), og det var eit stort framsteg. Trefløyta fekk etter kvart mange namn - tyskarfløyta, tyssefløyta og tussefløyta. Den første nemninga kom truleg av at den norske trefløyta opprinneleg var ein kopi av den tyske blokkfløyta. Etter kvart gjekk nemninga over til tussefløyte, og det heng saman med ein interessant tradisjon som er teikna ned om instrumentet (Universitetsbiblioteket i Bergen). Der heiter det at flinke fløytespelarar "kunne lokke til seg skogens bevingede skapninger" med tonane frå fløyta. Etter eldre tiders overtru meinte dei då at fløytetonane hadde trolsk og magisk evne, og vart knytt til dei underjordiske - til tussefolket. Eg har sjølv røynd mange gonger at tonane frå fløyta har verka inn på fuglane i skogen, og eg har hatt mang ei fin oppleving saman med tussefløyta på mine vandringar i skog og fjell. Dette hefte er ei samanslåing av dei tidlegare to hefta. Eg har vald ut dei låtane eg held for å vera dei beste og dei mest populære. Dette er ei revidert utgåve, då ein del av låtane er noko endra - ikkje i melodi, men i notasjon, harmonisering og understemmer. Heftet er laga i eit noko større format, slik som Tussefløytelåter 3. Dette er gjort for at sjølve notebiletet skal bli større og tydelegare, mellom anna med tanke på skuleborna. EGIL STORBEKKEN.

< tilbake | hovedside | neste >